مش عارفة بس لما شوفت الكلام ده دلوقتي ضحكت في بالي كدة ..
"أنا لست صوفيا ولا سلفيا ولا وهابيا ولا من الإخوان, ولا من غيرهم من الجماعات ... أنا مسلم. وأتعامل مع كل من يقول أشهد أن لا إله إلا الله وأن محمداً رسول الله على أنه مسلم .. وكفانا تنابذاً بالألقاب!"
~ أحمد الشقيري
رغم إني قرأته قبل كدة و موافقة عليه جدا .. بس ضحكت عشان
زمااااااان كنت فاكرة إن الناس يا مسلمة يا مسيحية يا يهودية
و بعدين إكتشفت إن في ناس لا دين لهم (علمانيين)
و بعدين إكتشفت إن فيه مليون ديانة على مستوى العالم بمختلف المعتقدات
بس كل ده و أنا لسة فاكرة إن في مصر مسلمين و مسيحيين بس ..
قبل ما أكتشف إن المسيحيين كمان عقائد مختلفة
و إن في المسلميين في ناس شيعة .. و بعدها لقيتهم 72 فرقة مش فرقتين (سُنة و شيعة)
و بعدين بقى عرفت إن في السُنة فيه جماعات .. ماكنتش أعرف غير الإخوان
و شوية سمعت عن السلفية مع الثورة كدة
دلوقتي إكتشفت إن فيه جماعااااااااات .. و في مصر برده آه و الله و كلها سُنة!!
--
و عشان كدة ضحكت في بالي من حُزن و هَم .. و افتكرت شعار طلع قريب بس يبدو إن الناس مش عارفاه أو مش فاهماه أو الإتنين!
"ســــئــمــنــا الخــــــلاف"
آه و ربنا سئمنا !
كان من الممكن ان يكون الخلاف مباراه وديه ممتعه,, لو انشغل اللاعبون بركل الكره.. وليس بتكسير بعضهم..
ReplyDelete