*106* نفسك بوجهيها

نفسك (الفطرية) وشيطانك (نفسك الأمّارة بالسوء) .. وجهان لعملة واحدة "أنت" 

إن صَلُحَت الأولى فستقودك للارتقاء الربّاني, حيث الرؤية الصحيحة لماهية الحياة, حيث التجرَّد من التفاصيل والدوامات الغاشية والتنَّعُم بحياة تنتظرنا في الأفُق .. حيث السلام والطمأنينة .. حيث الوُد الصحيح .. وُد لكل المخلوقات .. ورؤية جوهر الجمال المكنون بها .. والتماس الضياء الربّاني بكل ما تحمله في طيّاتها ..

و إن استقوت الأخرى فستشدك لدنية الدنيا بجُل معتقداتها, بعبثها وصخبها, بشقائها والتعلُّق بكل زائل فيها, ستفضي عليك البأس والحزَن والسخط, ستغشيك بالتعاسة والهروب الدائم, ستملؤك بالشحناء والبغضاء كلما سار أمر عكس هواك, ستمحي من ذهنك جوهر الكون وأسبابه, ستُعظِّم كل هيّن وتهوِّن كل عظيم ..

ووقت الشدائد تتنازع هاتين .. تارة ترى البشر و تارة تجوب في سخط .. تارة تعفو و تارة تؤلِم .. لا تفهم تقلباتك, ولكنّه الصراع الداخلي ..وبيدك انهائه .. بيدك اللجوء لمالك القلوب ومقلبها .. فسبحانه بيده نصرة الحق بداخلك .. بيده وحده

"يارب .. إن صح منك الوُد فالكل هيّن .. وكل الذي فوق التراب تراب"

*96* #جرّب_كدة : )

كل يوم مع آذان #الفجر فكّر في دعوة جديدة تدعي بيها لنفسك و لأهلك و لقرايبك و لصحابك و لجيرانك و لزمايلك : ) #جرّب_كدة : ) 

--

 لو أخدت كل موقف اتعمل فيك و ضايقك وفكرت في أسباب حدوثه بـ #حُسن_ظن و إن كان الهدف منه خير .. هتقلل حدة كتير في تعاملاتك ويغلب على طباعك الهدوء و على تعاملاتك الود و على وجهك البسمة : ) #جرّب_كدة
 --

و بدل ما تقفل من بني آدم .. ادعي له : ) #جرّب_كدة

 --

 ولما يبقى عليك فلوس لحد و مفيش أي امكانية انك ترجعهاله, خرجها باسمه في صدقة, ويا سلام لو صدقة جارية : ) #جرّب_كدة

 --

عارف انت لو بطلت نبرة السخرية (خاصة لو من أشخاص) شوية ايه اللي هيحصل؟ .. هترتاح كتير و هتبقى افضل نفسيا و سلوكيا : ) #آه_والله #جرّب_كدة .. أصلا #السخرية_حرام : ) سواء من الأشخاص أو الأقدار : )

 --

لما تسمع آية قرآنية فيها مثل صالح أو دعاء وإنت معدي بالصدفة وتفكرك بحد معين
ادعِ للشخص ده بالخير الـ في الآية وادعِ لنفسك معاه : ) #جرّب_كدة

--

وفي الثلث الأخير من الليل في ركعتين بينك و بين ربنا والدعاء مستجاب, ادعِ لناس كتير وحشتك, و ناس كتير تتمنى لهم الهداية, و ناس تدعيلهم من كتر ما اتعلمت منهم كتير ولسة بتتعلم, و ناس عارف ان ربنا مبتليهم ورغم كدة صابرين فتدعيلهم ربنا يجزيهم خير في الدنيا و الآخرة و يفرح قلوبهم : ) و ناس تانية كتير هتيجي على بالك و انت بتدعي .. ماتكسلش تذكرهم في دعائك : )

#جرّب_كدة .. وادعيلي معاك : )
--

وفي عز همّك جرّب تكون سبب في رسم #بسمة_أمل .. جرّب تكون "إنت" #الأمل : ) #فلنغرسها #جرّب_كدة 
--

أنا عارفة إن القاعدة مملة أوي هنا و بتكسّل الواحد و ساعات تلهيه أو تجيبله اكتئاب! : )

بس لو اتحديت نفسك و قلتلها إنها لازم تقوم دلوقتي لمدة 10 دقايق بس تتوضى و تصلي ركعتين قيام أخيَر لها من كل تلاهي الدنيا .. هتلاقي راحة رهيبة هلّت عليك و استجابة لدعواتك (الثلث الأخير من الليل) و قرب في السجود وسط هذا الظلام و الناس نيام, ده غير بركة ليومك بكرة و ثواب في الآخرة قبل الدنيا : )

فكّر نفسك دايما قبل أي حد .. احنا اتخلقنا عشان نعبده : ) و لما تفتكر إن ده سبب وجودك أصلا على هذ الكوكب, فكّر غيرك و قوم اتوضى وصلّي : )

#جرّب_كدة و قولي حسيت بايه :))

--

#جرّب_كدة تبقى مش طايق حد نهائي, وتيجي في #ركعتين_قيام تدعيله : )

ما كلنا بنغلط, المهم ال يسامح وال ربنا ينعم عليه ويهديه : )

وأهي #دنيا

-- 

وفي عز همّك التقيل .. و حُزنك الدفين .. و هَم وحُزن اللي حوليك قبليك .. افتكره و فكّر غيرك بيه .. ده ربك عالم أبدا مش ناسيك .. ربك كريم هو الوكيل .. هو اللي خلقك و استحالة يضيعك .. هو هاديك و مُنجّيك :)

#جرّب_كدة و كن #بسمة_يقين .. كن #تجديد_العهد .. كن #التذكِرة_الحيّة .. كن #الأمل  :)

--

  

عارف لما تدعي لحد من قلبك أوي, تدعيله بالغيب, يعني دعاءك يبقى بينك و بين ربنا بس :)) الحد ده مش هيعرف "فعليا" في "الدنيا" إنك دعيت, بس هيوصله, هيحس بيه :)) ده بجد مش مجرد كلام

أصل الدعاء ده بيبقى صادق أوي, محدش شايفك, و بتقول فيه كل اللي نفسك فيه و كل اللي حتى ماتقدرش تجهر بيه, بتقوله للي خالق قلبك و عالِم بيه :)) بتقوله مش عشان ربك مش عارف اللي فيك, بس عشان لذة المناجاة, عشان لذة بعث رسالة لشخص ما في مكان ما بتستودعها في أمانة الله لحد ما يحين المعاد و تلتقوا عند عرشه :))

وعشان كدة لا عجب من إن الدعاء لأخيك بظهر الغيب مستجاب :)) لإنه #الود الصادق الراقي المحقق لسمو العلاقة الانسانية بين العباد :))

#جرّب_كدة .. جرّب الليلة في ركعتين .. جرّب في سجدة .. ابعد عن الناس و خد ركن و جرّب تعرف احساس عميق مهما اتقال عنه صعب يتوصف .. جرّب و مش هتندم :))

 --

#جرّب_كدة  تدعي لحد بالغيب بصدق وحب, و هتلاقي الحد ده بيحبك بدون أسباب! 
وجرّب بردو كدة تغتاب أو تنم على حد, و هتلاقي الحد ده بقى مش طايقك بردو بدون أسباب =) 
وصل النفوس و انقطاعها ليس بالظواهر بل بما يكمن في السجايا =) 

هي #دنيا من الدنو .. فاهجر كل من\ما تشبّه بها وارتقِ =)
--

و ايه أجمل من انك تبقى مخنوق فتروح للحاجة تترمي في حضنها بدون مقدمات و تقولها .. سامحيني و ادعي لي ؟

الاجمل انها رغم عدم منطقية اللي انت عملته فجأة تبقى حاسة بيك .. تدعيلك و تقولك "أنا مسامحاك" 

#جرّب_كدة #أهلك_كنز_لو_بس_تقدره #الحمد_لله
--

#فذَكِّر .. ركعتين بنية قيام الليل .. في كل ركعة اقرأ ولو صفحة واحدة من القرآن .. هم مفتاح تغيير من حياة لحياة والله #جرّب_كدة و #داوِم
--

‪#‎Happiness_IS‬ ركعتين ‫#‏قيام_الليل‬ اللي بتمسك فيهم المصحف و تفتح صفحة بشكل عشوائي و تشوف رسالة ربنا ليك (اصل مفيش حاجة عشوائية .. كل شيء بقدر و مكتوب بس انت ركّز) :))

الركعتين اللي بتطلع فيهم كل حاجة شغلاك و تعباك و تحمد ربنا فيهم على كل خير سواء كان عطاء أو ابتلاء .. و تدعي فيهم بكل اللي تتمناه و تدعي لاحبابك معاك :)) 

و كل ماتدعي لحد تلاقي الاسم يفكرك بمجموعة ناس و يتحول الدعاء لـ ليستة أسماء لا نهائية من كتر ما انت مش هاين عليك ماتذكرش حد جه على بالك :)) .. 

‫#‏جرّب_كدة‬ و هتعرف انها ‫#‏سعادة‬ من نوع خاص جدا :))

--

#جرّب_كدة تبقى مُجهَد ومتكسّر و مش قادر تقوم من مكانك, بس تجيلك تذكرة من حد عزيز عليك يشجعّك ويقولك "يلا #ركعتين_قيام_الليل" 

فتفكّر إنك "عادي" تكسّل و تبقى زي أي حد "عادي" في هذا الزمن "العادي" إن شيطانه يكون اقوى منّه  ... 
أو إنّك هتقوم "بالعند في شيطانك و نفسك الضعيفة" و تفتكّر قد ايه ركعتين في الدنيا و انت هلكان ممكن يبقوا سبب نجاتك من هلاك يوم عظيم! .. مش بس كدة, ربنا سبحانه وتعالى قال في حديث قدسي:

"إذا تقرب العبد مني شبرا تقربت منه ذراعا ، وإذا تقرب مني ذراعا تقربت منه باعا ، وإذا أتاني مشيا أتيته هرولة ، وإن هرول سعيت إليه ، وأنا أسرع بالمغفرة " #حديث_صحيح

وبعدين مش عندك list طلبات قـــــــــــــــــــد كدة عايزها تتحقق؟؟ :)) و عايز اعانة ليها؟؟
مش عندك حاجات كتيــــــر نفسك تحصل و مش بايديك حتى السعي ليها كانسان؟
مش عندك ناس كتيــــــــر بتحبهم و نفسك يبقوا في اسعد حال؟ :))
مش نفسك ربنا يقرب البعيد؟  
مش نفسك تدعي لكل الحاجات دي و الناس دي بظهر الغيب و الملائكة (الكائنات النورية الخالصة لوجه رب كريم) تدعي لك وتقولك "ولك مثله" :))

"إن الله عز وجل يمهل حتى يذهب شطر الليل الأول ، ثم ينزل إلى السماء الدنيا ، فيقول : " هل من مستغفر فأغفر له ، هل من سائل فأعطيه ، هل من تائب فأتوب عليه " ، حتى ينشق الفجر"

جرّب كدة ... جرّب تقوم وتعاند نفسك الضعيفة لعلها تقوى :)) .. جرّب تنشر و تذّكر غيرك .. جرّب و جزاءك انت و من تبعك عند رب "كريــــــــــــم" :))

{ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ } :))
--


في وسط هذا الشعور بالعجز, خطرت لي #خاطرة, لِمَ نكتفِ بالدعاء حين الشعور بالعجز عن الفعل؟

الدعاء يرد القدر و هو كالسحر إن قيل صدقا خالصا لوجه الله, ولكن لِمَ نكتفِ بهذه الوسيلة؟ (خاصة البنات والعاجزين عن نصرة الحق بشكل عملي) فلننصر إذا القائمين للدفاع عن حقوقنا!

ببساطة .. #جرّب_كدة :

- تُخرج #صدقة_جارية لمعتقل لعل الله يحفظه في محبسه و يفك أسره عاجلا غير آجل
- تُخرج صدقة جارية لمصاب لعل الشافي يشفيه و يعافيه شفاء لا يغادر سقما
-تُخرج صدقة جارية لشهيد! أيوة لشهيد : ) فلا نعلم أيهم تقبل الله منهم الشهادة, فإن احتسبناه شهيدا و هو غير ذلك كان في ميزانه, و إن كان شهيدا فلعل الله يرزقنا دربه و شفاعته : )
--


#جرّب_كدة تقرأ الآيات دي من سورة التوبة .. #عن #الإنفاق (المنافقين\المؤمنين)

( المُنافِقونَ والمُنافِقاتُ بَعضُهُم مِّن بَعضٍ ۚ يأْمُرونَ بالمُنكَرِ ويَنهَوْنَ عَنِ المَعروفِ ويَقْبِضونَ أيْدِيَهُم ۚ نَسوا اللَّهَ فَنَسِيَهُم ۗ إنَّ المُنافِقينَ همُ الفاسِقون (67) 

وعَدَ اللَّهُ المُنافِقينَ والمُنافِقاتِ والكُفَّارَ نارَ جَهَنَّمَ خالِدينَ فيها ۚ هيَ حَسبُهُم ۚ ولَعَنَهُمُ اللَّهُ ۖ ولَهُم عَذابٌ مُّقيم (68) )

( والمؤْمِنونَ والمؤْمِناتُ بَعضُهُم أوْلِياءُ بَعضٍ ۚ يأمُرونَ بالمَعروفِ ويَنهَوْنَ عَنِ المُنكَرِ ويُقيمونَ الصَّلاةَ ويؤْتونَ الزَّكاةَ ويُطيعونَ اللَّهَ ورَسولَهُ ۚ أولَٰئِكَ سَيَرحَمُهُمُ اللَّهُ ۗ إنَّ اللَّهَ عَزيزٌ حَكيم (71)

وعَدَ اللَّهُ المؤْمِنينَ والمؤْمِناتِ جَنَّاتٍ تَجري من تَحتِها الأَنهارُ خالِدينَ فيها ومَساكِنَ طَيِّبَةً في جَنَّاتِ عَدنٍ ۚ ورِضْوانٌ مِّنَ اللَّهِ أكبَرُ ۚ ذَٰلِكَ هوَ الفَوْزُ العَظيم (72) )

انت مين فيهم بصدق؟ 
--


#جرّب_كدة 

تخرّج صدقة جارية لمتوفّي (حتى و إن احتسبته شهيدا)
تخرّج صدقة جارية لمُصاب\مريض
تخرّج صدقة جارية لمُعتقل

لعلها تكون مغفرة لذنب و رفع لبلاء و علو درجات وجمع طيّب في الدنيا و الفردوس باذن الله 

قال رسول الله صلّى الله عليه وسلّم:
(ما من يوم يصبح العباد فيه إلا وملكان ينزلان فيقول أحدهما: اللهم أعط منفقاً خلفاً، ويقول الآخر: اللهم أعط ممسكاً تلفاً)
متفق عليه.
--

ومع خاطرة العودة لهاشتاج #جرّب_كدة : ) .. #استنصح 

جرّب كدة تطلّع صدقة كل يوم 2 جنيه "بس" .. جنيه لك و جنيه تهب ثوابه لحد بتحبه :)) 
يعني كأنّك اديته هدية جنيه .. بس جنيه وقت الشدة .. جنيه في الآخرة : ) 

والحسنة بعشر أمثالها .. يعني كأنّها 10 جنيه  والله يُضاعف لمن يشاء :))

(تهادوا تحابّوا) #حديث_صحيح :))
--